اعرفي عريسك بدري بدري من طريقة اكله

الموضوع اسمه اعرفي عريسك بدري بدري من طريقة اكله

1- إذا كان عادي يعني لا بياكل بسرعة ولا ببطء ولا دايمًا شبعان ولا
مفجوع على طول.. يبقى شخص معتدل في عواطفه
وقراراته ويبقى ده آخر
الرجال المحترمين..
كلبشي.. واستعجلي الزفاف والحياة هتبقى بمبي


2- إذا كان بيحب الأكل زي عينيه.. وأول ما يدخل من الباب وقبل ما
يقول لك ازيك يقول لك ريحة التقلية تجنن ياروحي إنتوا عاملين ملوخية
على أرانب؟؟.. أموت أنا.. ويقعد ياكل ويحشر لحد ما يغمى عليه..
يبقى إنسان طفس.. وهوائي..
وطايش.. وأوعي تتجوزيه أحسن ياكلك وانتي نايمة....؟؟


3-
أما إذا كان مش مهتم بالمرة.. لايقولك ده حلو ولا ده عادب ولا
مالح ولا مستوي ولا لسه ني ولا بيعلق أي تعليق.. وعمره مايقولك جعان
أو شبعان
يبقى إنسان مالوش لزمه.. وزي قلته.. وأنصحك بدل ما تتجوزيه إتبنيه..
وهاتعيشي إنتي الراجل والست ف وقت واحد واعملي حسابك هاتركبي وتدلدلي
رجلييكي.


4- أما إذا كان بياكل زى مايكون حد بيجري ورااااه وساعة الأكل
بيجيله حالة صرع معوي.. ويقوم من ع الأكل قبل أي حد تاني.
يبقى متسرع.. ومتهور في اتخاذ قراراته وممكن بعد الجواااز يكتشف إنك
لستى ملهمته..ولستى فتاة أحلامه ولستىِ حلمه.. ويروح مطلقك بالتلاتة ..
إخلعي إنتي بدري أحسن لكرامتك.



5- أما إذا كان بياكل على مهله.. ويمزمز.. ف كل صنف لوحده.. ويسأل
عن كل صنف إيه مقاديره ومعمول إزاااي ويقعد يستطعم فى الأكل من العصر
للمغرب .
حاسبي منه يا اختي ده النوع اللي له مخ.. وبيوزن الأمور بطريقه تفقع
المرارة.. ولو في يوم طلبتي منه يقولك كلمة حلوة هايقولك مش عامل
حسابي ويقعد يفكر 3 سنين وبعدين يقول لك بحبك ويقعد يشوف وقعها عليكي
إيه؟؟
نظااااام شلل رعاش
بدري.... بدري....
إخلعي يا أمي...




6- أما إذا كان بيقعد يقطع ف الأكل زي مايكون ف خناقة ويخبط ف الطبق
من الغل.. ويقطع حتة اللحمة زي ما يكون بيدبحها.. ويتفتف.. ويتكلم..
طول ماهو بياكل لما يغرق وشك أكل..
ده شخص عصبي جدًاااا.. ومع أول خناقة هايروح مناولك بالكرسي فى راسك أو
بالسكينة فى عينك يعمل لك عاهة مستديمة وبعدين.. يهدى.. ويقول لك:
"سوووري يا روحي هي جت فيكي.. ماعاليش"
""ماعاليش برَّه يا حبيبي وخد الباب فى أيدك""



7- أما إذا كان دايمًا قرفاااان دايمًا مش عاجبه العجب ولا الصيام فى
رجب.. يع..
الملوخية تقيلة.. ياي.. السمنة كتيرة على وش الشوربة.. ياساتر.. دا
محشي ولا صوابع
مووووز.. أووووف.. الرز كله حصو .. يامَّه المكرونة
معجنة..
إذا كان كده توكلي على الله وهاتي أحمى ساطووووور عندك وأنا أعرف لك
واحد محامي هايطلعك منها زي الشعرة من العجيييين



والأحسن من ده كله.....

مالها القعدة ف بيت أبووووووكي؟؟

مفيش اعرف عروستك وشترى نفسك

بحبك وحشتينى كتب:

مفيش اعرف عروستك وشترى نفسك

ههههههههههههههههههههههههههههههه

اكيد فيه ولو ما فيش اجيبلك

ياريت ابوس ايدك البنت بتبقى يالهوىى قمر بسكوته تتاكل اكل بعد منتدبس اسف نتجوز بتبقى انسان الغاب طويل الناب ساعونا نداء باسم شباب مصر

بحبك وحشتينى كتب:

ياريت ابوس ايدك البنت بتبقى يالهوىى قمر بسكوته تتاكل اكل بعد منتدبس اسف نتجوز بتبقى انسان الغاب طويل الناب ساعونا نداء باسم شباب مصر

هههههههههههههههههههههههههه

ده اعيب فيكم انتم بقى مش فى البنات

انتم اللى بتحبه البنت الملونه ..ميكب ولبس وكده يعنى..وبعد ما تتجوز تلاقيها بالمواصفات اللى بتقول عليها ومنكوشه بقى وتفجعك على الصبح هههههههههههههههههه

وفى بنات بالالوان والبس بردو..بس بيقوا قمرات فى البيت


على فكره الشباب بردو كده..تلاقى الولد من دول رقه الدنيا اتجمعت فيه..ويفتحلها باب العربيه ويقفوبهولها..ويمسك ايدها الا ايه بيعديها السكه..وبعد الجواز ولا بيعبرها ويا عينى البنت تقوله افتحى الباب مش ارفه افتحه علشان شايله حماده..يرد يقولها وايدك التانى فين اتقطعت
هههههههههههههه

ده احنا بنعانى والله منكم

ربنا يرحمنا بقى